«Мал-дүниелерін Алла жолында жұмсап, кейін бергендеріне міндетсіну және реніш араластырмайтындардың сыйы – олардың Раббысында. Оларға қорқыныш жоқ, әрі олар қайғырмайды». («Бақара» сүресі, 262-аят).

Аудандық «Қордай» мешітінің ұйымдастыруымен қолға алынған «Қайырымдылық қылғанға Алла да қайырымды» атты акция жалғасын табуда. Тұрмысы төмен 10 отбасыға күнделікті тұрмысқа қажетті заттар таратылды. Сонымен қатар, «Әл Хафиз» мешітінің ұйытқы болуымен тұрмыстық жағдайы төмен 7 отбасыға 10 қап көмірден үлестірілді. 

Көмек алған жандар осындай игі шара ұйымдастырған мешіт қызметкерлеріне алғыстарын айтты. 

Аудандық «Қордай» мешітінің баспасөз қызметі