Амман корольдік ислами-стратегиялық зерттеулер орталығы Джорджтаунда орналасқан  мұсылман-христиан орталығының қолдауымен жыл сайынғы әлемдегі ең беделді мұсылмандар тізімін жариялады. 

«The Muslim 500-2018» рейтингіне 500 ислам дінін ұстанушылар кірген. Тізім құраушылардың пікірінше, бұл тұлғалар тек мұсылман әлемінде ғана емес, сондай-ақ, оның шегінде де беделге ие.

Рейтингтің бірінші орнын «Әл-Азһар» Каир университетінің имамы шейх Ахмад Мұхаммед әл-Тайыб иеленсе, екінші орын Сауд Арабия королі Салман ибн Абдел Әзизге тиген.

Үшінші орында Иордания королі Абдалла II ибн әл-Хусейн. Төртінші орында Иранның бас көшбасшысы Аятолла Әли Хаменеи, ал бесінші орында Түркия президенті Режеп Тайып Ердоған.

Сондай-ақ, «The Muslim 500» құрамына Шешенстан басшысы Рамзан Қадыров, Тәжікстан президенті Эмомали Рахмон, Түркменстан президенті Гурбангулы Бердымухамедов және Әзірбайжан президенті Ильхам Алиев те кірген.

asyldin.kz

Қасиетті Құран Кәрімнің "Әл-Жасия" сүресінің, 13-аяты: «Сендерге көктердегі нәрселерді де, жердегі нәрселерді де толық бағындырды, бұл нәрселерде ойланатын адамдар үшін, әлбетте, белгілер бар».