User Rating: 5 / 5
Рамазан – жақсы амал жасайтын, Алланың ризашылығына бөленіп, сауап жинайтын ай. Рамазан – Құран түскен ай. Бұл айда жасалған жақсы істердің бірнеше есе еселеніп көбейетінін ескерсек, ораза ұстаушы жамағатты құрметтеудің маңызы қаншалықты зор екенін аңғару қиын емес. Елбасымыздың қолдауымен еліміз бейбіт күнде Құдайға құлшылығын жасап, бірлік пен татулықты ту етуде.
User Rating: 5 / 5
Өткен аптаның қасиетті жұмасында, Мойынқұм ауданының әкімі Болат Мәдікенов аудан орталығындағы «Жанар» мейрамханасында ауыз бекіткен бір топ азаматтарға ауызашар берді.
Ауызашарға Хантау, Бірлік, Қызылту, Қызылотау, Мойынқұм, Қылышбай, Қарабөгет ауылдық округтерінің әкімдері бастап, бірнеше ауыз бекіткен азаматтар келіп, қатысты.
User Rating: 5 / 5
Еліміз бойынша үлкенді-кішілі мешіттерде жиі болмаса да, сауат ашу курстарының шәкірттері арасында Құран жарысын өткізу үрдіске айналған.
Т.Рысқұлов ауданында да екінші рет өткізіліп отырған жарысқа ауыл-ауылдардан іріктеліп, сонда көзге түскен шәкірттер келді. Іріктеліп деуіміздің жөні бар. Әр ауылдағы мешіттердің сауат ашу курстары мектеп оқушыларын жазғы демалысқа шығысымен өздеріне тартып, бір айдан астам дәріс берді. Алла Тағалаға сансыз шүкірлігіміз болсын, жас балаларымыздың дінге деген ынта-ықыласын күшейтіп, зейінін арттырған. Осы қысқа мерзімде балалар діни сауатын ашумен қатар бірнеше сүрелерді жаттап, Ислам тарихынан да аз-кем мағлұмат алып үлгерді. Биылғы жылы Құран жарысы қасиетті Рамазан, Құран түскен айда болып отыр.
User Rating: 5 / 5
Қоғамда жанымызға батар түрлі оқиғалар орын алуда. Бүгінде Қазақстанның бүкіл қалаларында жұмыс істеп тұрған қарттар үйі сол көп қасіреттің бірі дер едік.
Қарты бар үйдің қазынасы бар деген қазақ, қашан да қартын ардақ тұтқан халық. Қартын сыйлаған, анасын ардақтаған ел азбайды да тозбайды. Ондай үрдісті біз ұрпақтан ұрпаққа жалғап, сабақтастырып отырсақ, ұтарымыз көп. Қасиетті Рамазан айында «Һибатулла Тарази» мешіт-медресесі Тараз қалалық №1 Қарттар үйінен 13 және №2 Қарттар үйінен 15 адам шақырып, әртүрлі ұлт өкілдерінен құралған жалпы саны 28 адамға ауызашар беріп, осы дәстүріміздің тағы бір озық үлгісін көрсетті.
User Rating: 5 / 5
Қасиетті Рамазан айы барлық айлардың сұлтаны ғана емес, қайырым және өнегелі істерге толы береке айы. Сауабымызды еселейтін, күналарымыздың кешірілуіне себеп болатын құтты айда әр мұсылман баласы осы мүмкіншілікті жібермей, Ұлы Жаратушымыздың разылығын, ауызаштырып көпшіліктің рахметін алуды қалайды.
User Rating: 5 / 5
ҚМДБ-ның Жамбыл обылысындағы өкілі «Һибатулла Тарази» мешітінің бас имамы Жұмабаев Данияр қажының тапсырысы бойынша медресе ұстазы шейх Юнус Хусеин Субхи «Әзірет Әли» мешітінде бастаған қатым Құранды аяқтады. Аталған шараға қатысқан Жұмабаев Данияр қары жамағаттың он екі күн бойы тік тұрып көрсеткен Құранға деген құрметіне алғыс айтып, «Пайғамбарымыз (с.а.с.) « Кімде-кім қатымның дұғасына қатысса, аспаннан Аллаһтың бұйрығымен жетпіс мың немесе одан да көп періштелер түсіп оған истиғфар айтады»- деген, сіздердің де бүгінгі дұға-тілектеріңіз қабыл болып, отбасыларыңызда тек қуаныш болсын!»- деп ыстық ықыласын білдірді. Намаздың соңында жасалған дұғадан кейін мешіт жамағаты Юнус Хусеин Субхи ұстазға алғыстарын жаудырып, әжелер үстіне шапан жапты.
«asyldin.kz» - әлемде және елімізде болып жатқан діни жаңалықтардан хабар беретін, оқырмандардың рухани және діни танымын арттырып, діни сұранысын қамтамасыз етуге бағытталған Жамбыл облыстық орталық «Һибатулла Тарази» мешітінің ресми діни-танымдық, ақпараттық порталы.
20 Сәуір 2025
21 Шавваль 1446