Дубай әмірлігінің Дін істері және қайырымдылық шаралары департаменті көк тіреген зәулім үйлерде тұратындарға арнап жаңа пәтуа шығарды. Пәтуа негізінде бұлтпен таласқан биік ғимараттың тұрғындары ауызашар уақытын бірнеше минутқа кешіктіруі тиіс.
Дубай әмірлігінің Дін істері және қайырымдылық шаралары департаменті көк тіреген зәулім үйлерде тұратындарға арнап жаңа пәтуа шығарды. Пәтуа негізінде бұлтпен таласқан биік ғимараттың тұрғындары ауызашар уақытын бірнеше минутқа кешіктіруі тиіс.
Өткен жылы Данияда мұсылмандардың ыстық ықыласына бөленіп, ораза ұстаған актер Расмус Элтон биыл Түркияда ауыз бекітетін болды. Актер Рамазанды Түрік елінде қарсы алып, осы елде шығарып салуды жоспарлапты. Бұл елге келіп 30 күн ораза ұстауға ниеттенген Элтон, мұндағы мұсылмандарды және Исламды жақыннан танығысы келетінін жасырмады. Сонымен қатар, Пәкістандық продюсер әрі режиссер Асыл Иқбал басшылық жасап түсіріліп жатқан Рамазан туралы деректі фильмге Элтон қатысады.
Бізге мәлім, тарихымызда қасиетті Мекке шаһарына жаяу қажылық сапарына шыққан бабаларымыз болған. Текті атаның ұрпағы бүгінгі жаһандану заманында, ғылым мен техниканың қарыштап дамыған дәуірінде де баба ізінен жаңылмапты. Елорда тұрғыны Дулат Иманқажы баба дәстүрін жаңғыртып, бүгін «Нұр Астана» орталық мешіті алаңынан жеті мың шақырым қашықтықтағы қасиетті Меккеге аттанды.
Астана күні қарсаңында ҚМДБ төрағасы, Бас мүфти Ержан қажы Малғажыұлы қазақстандықтарды мерейлі мерекемен құттықтады.
Өскемен қаласының сәулет-этнографиялық әрі табиғи-ландшафт мұражай-қорығының ғимаратында «Бағалы мұра. Иран өнері аясындағы Құран» деген атпен көрме ашылды. Онда түрлі тілде қасиетті кітаптың ондаған данасы, ағаштан жасалған бұйымдар, сондай-ақ, өнер мен тұрмыс заттары қойылған. Тамыз айына дейін есігі айқара ашық болатын көрмеде каллиграфияның қыр-сырын үйрететін шеберлік дәрісі өтеді.
«Мұражайдың ерекшеліктері өте көп. Оның аумағының өзі 74 мың шаршы метрді құрайды. Эрмитаж 180 мың шаршы метр, Лувр - 160 мың, Метрополитен деген Американың керемет музейі - 110 мың шаршы метр, Третьяков галереясы 70-75 мыңдай, Корея музейінікі - 135 мың шаршы метр. Біздің мұражай жалпы көлемі жағынан әлемде алғашқы ондыққа кіреді», – деген Дархан Мыңбай бұл мұражайдың Орта Азияда теңдесі жоқ екендігін баса айтты.