Жамбыл ауданы Бесағаш ауылындағы «Бесағаш» мешітінде Хазіреті Мұхаммед пайғамбарымызға (с.ғ.с.) Мәуліт күні өтті. Қасиетті жұма күні өткізілген мәулітке барша Бесағаш ауылының тұрғындары қатысты. Пайғамбарымызға (с.ғ.с.) салауаттар айтуға ауданның бас имамы және Жалпақтөбе ауылындағы «Тұрғани» мешітінің имамы арнайы шақырылды. «Бесағаш» мешітдегі шәкірттер де мәулітке арнап діни өлеңдер оқыды. Жамбыл ауданының бас имамы Ғайырфулла Қуанышбекұлы Мұхаммед пайғамбарымыз (с.ғ.с.) туралы уағыз айтып, жұма намазын өткізді және мәулітті құттықтап Бесағаш ауылының тұрғындарына, мешіт алқа мүшелеріне ризашылығын білдірді. Жайылған дастарханнан дәм ауыз тиіп, құран бағыштады. 

Бесағаш ауылының молдасы  

 Сүлейменов Мұса