Тараз қаласы «Намаз ата» мешітінің ұстазы Лейла Арыстанованың бастамасымен дәріс алған шәкірттер Құранға түсіп, тәжуид сабағын тәмәмдады. Осыған орай, әйелдер жамағатына дастархан жайылып, уағыз-насихат айтылды. Құранға түскен шәкірттердің барлығына Құран кітабы сыйға берілді. "Мақсатымыз адамдардың Құранға деген құштарлығын ояту" - дейді ұстаз.
Қасиетті Құран Кәрім – он төрт ғасырдан бері мұсылмандар үшін рухани бастама және шабыт көзі. Бұл – Алла елшісіне (оған Алланың салауаты мен сәлемі болсын) уахи ретінде түсіп, әлі күнге түпнұсқа күйінде сақталған бірден-бір кітап. Әрбір мұсылман үшін һәм жалпы мұсылман үмбеті үшін маңызды.
"Әулие ата" мешітінің баспасөз қызметі