Содан кейін уахи біршама уақытқа тоқталады. Тарихшылар оның қанша уақытқа тоқталғаны туралы түрлі пікірлер айтуда, дегенмен, уахидің келуі қырық күнге тоқталған деген пікір күштірек. Мұнда да Жаратушының даналығы жатыр. Мұндағы даналық - Пайғамбарымызға (ﷺ) уахидің қаншалықты жетіспейтіндігін сезіндіруде еді. Дәл солай болды да. Бұл жағдайдың сондай ауыр болғандығы соншалықты, Мұхаммед (ﷺ) Алла Тағала оны Өзімен Өзінің жаратқандарының арасында дәнекерші болу құрметіне лайықтап таңдап алып, ал сосын одан айырғандығы үшін, әр кез тауға шыққанда тіпті ол жерден төменге секіріп кеткісі де келетін, бірақ әр кез періште пайда болып, былай айтып отырған: - Расында, сен – Алла Елшісісің.

Сонда Мұхаммед (ﷺ) тынышталып, өз ниетінен бас тартқан. Күндердің күнінде Алла Тағала бұл әлемді ақиқат діннің жарығымен нұрландыруды қаламағанша және уахиді жіберуін қайтадан бастамағанша, осылай жалғаса берген...

asyldin.kz