Ливия мүфтиі ас-Садық әл-Гарьяни Әлеуметтік саясат министрлігінен ливиялық қыздардың шетелдіктерге тұрмысқа шығуына тыйым салуын талап етіп отыр. Мейлі ол араб не мұсылман жігіті болса да. Бұл жайында Arabian Business журналының сайты хабар таратты.
Ел мүфтиі мұнысын Ираннан келген шииттердің ливиялық әйелдерді пайдаланып кететіндігімен байланыстырып отыр. Сондай-ақ, ол ливиялық әйелдердің сириялық ер-азаматтармен де көңіл қосқанына наразы.

Құзыретті орындардың мәліметіне қарағанда, шетелдіктерге тиетін ливиялық әйелдердің қатары расымен де артып келеді екен. Ливиялық әйелдерге үйленген шетелдіктердің көбісі некесін өз елдерінде қидырған. Олар осы елдегі шаруасын бітіргенше ливиялық жұбайын пайдаланып, артынан тастап кететін көрінеді.

muslim.kz