Фәдала ибн Үбәйд (р.а.) әңгімелеуде:

«Алла Елшісі (ﷺ) мешітте отыр еді. Бір адам келді де намаз оқыды. Бітіргеннен кейін былай деп дұға етті:

–  Я, Алла, мені кешір, маған мейірімді бола гөр!

Мұны бақылап отырған Алла Елшісі (ﷺ):

–  Сен асықпа. Намазыңды бітіргеннен кейін алдымен жақсылап Аллаға мадақ айт, одан кейін маған салауат айт, содан кейін барып тілек тіле, – деді.

Біраздан кейін мешітке тағы бір адам кірді. Намазын бітіргеннен кейін Аллаға мадақ айтты, Елшісіне салауат айтты. Мұны да қарап тұрған Пайғамбарымыз (ﷺ):

–  Ей, жолаушы, қазір не қаласаң да сұра, дұғаңды Алла қабыл етеді, – деді».

asyldin.kz