Қасиетті Рамазан айында Бас Мүфти Серікбай қажы Сатыбалдыұлының тапсырмасына сәйкес, қайырымдылық жұмыстарда Қордай ауданының дін қызметкерлері белсенділік танытуда.
Аудандық «Қордай» мешітінде 15 отбасыға 50 кг ұн, 5 кг қант, 5 кг макарон, 5 кг күріш, 5 кг гречка, 1 кг кәмпит, 1 кг құрма, 1 кг печенье және шәйден құралған азық-түлік себеттерімен қоса, қаржылай әр отбасыға 10 000 теңгеден жалпы 150 000 тг үлестірілді.
Жәрдем аз қамтылған отбасылармен жалғызбасты аналарға үлестірілді. Көмек алушыларды мешіт қызметкерлерінің ұйымдастырыумен мешіт жамағаттары сыйлықтарын үй-үйге жеткізіп берді. Қордай ауданында қайырымдылық жұмыстар тек аудан орталығымен шектелмей ауыл аймақтарда жалғасын табуда.
Қақпатас ауылдық мешіті 10 отбасына, азық-түлік себеттерін, Сортобе ауылдық Халид ибн Валид мешіті 10 отбасыға, Кенен ауылдық мешіті 7 отбасына әр түрлі форматта қайырымдылық жұмыстарын ұйымдастырды.
Аудандық «Қордай» мешітінің баспасөз қызметі