Ел бірлігіне қауіп төндірген теріс ағымдардың шырмауына түсуден сақтандырып, асыл дініміздің ата-бабамыздан қалған даңғыл жолынан адаспауға шақыру – қай кезде де маңыздылығын жоймақ емес. Қайта соңғы кездері бұл мәселенің күн тәртібінен түспей, уағыз-насихат, түсіндірме жұмыстарының қажеттілігі қатты білініп келеді.

Кеше Қордай аудандының бас имамы Дәуренбек Жандосұлы кезекті кездесуге қатысып, №47 мектеп оқушыларымен жүздесіп қайтты. Соңғы кездері жауыннан кейінгі саңырауқұлақтай қаптап кеткен түрлі теріс ағымдардан сақтану жолдары мен олардың басты ерекшеліктері жайлы толыққанды мәліметпен қамтыған имам, әңгімен барысын ата-анаға құрмет, білімге ден қою және Отансүйгіштік тақырыптарында  уағызын өрбітіп оқушылар қауымы ерекше  ықыласпен қабылдады. Өздерін толғандырып жүрген түрлі сауалдарын қойып, тұщымды жауаптарға қанықты.

Аудандық «Қордай» мешітінің баспасөз қызметі