Ресейде алкоголь сату жасын ұлғайтуы мүмкін, өйткені жастай алкоголь ішу -ішімдікке үйір болу қаупін анағұрлым арттырады. Бұл жөнінде әлеуметтік мәселелер бойынша вице-премьер Татьяна Голикова «РИА Новости-ге» берген сұхбатында мәлімдеген болатын.

Оның айтуынша, қазіргі таңда үкімет 20 жасқа толмағандарға алкоголь ішімдіктерін сатуға тыйым салу мүмкіндігін қарастыруда.

«Қазіргі таңда орын алып жатқан жағдайларды саралай келе, мұндай шараны енгізу керектігі жайлы ойланар едім, алайда тыйым салар жас деңгейі  21 жас емес, 20 жас болар», - деп атап өткен  вице-премьер.

Айта кету керек, жуырда жарияланған зерттеулер нәтижесі бойынша, ресейліктердің 58% 21 жасқа дейінгілерге алкоголь сатуға тыйым салуды енгізу идеясын қолдаған болатын. Қазіргі таңда алкоголь 18 жастан жоғарыларға сатылуға рұқсат етілген.

asyldin.kz