Сауд Арабиясы қажылық парызын өтеуге келетін Ливан аумағында тұратын палестиналық босқындарды елге кіргізбейтін болады.

Таяу Шығыс БАҚ өкілдерінің мәлімдеуінше, корольдік Ливанда тұратын әрі палестина төл құжаты жоқ 300 мыңдай палестиналықтарға виза беруді тоқтатқан.

Бір мағыналы емес мұндай қадамға Палестинадағы адам құқығы бойынша орталықтың өкілдері алаңдаушылық танытуда, дегенмен, Сауд Арабиясы тарапынан неліктен  виза бермеу себептері көрсетілмеген.

Естеріңізге сала кетсек, жуырда БАҚ беттерінде Сауд Арабиясы үкіметі Иордания азаматығын алған палестиналықтарға да қажылық парызын өтеу үшін Меккеге келу визасын беруін тоқтатқандығы туралы ақпарат пайда болған.

asyldin.kz