Мысырда ЮНИСЕФ-пен ынтымақтаса отырып мектептерде кеңінен таралған мәселе болып табылатын жәбір көрсетушілікке қарсы ауқымды кампания басталды.
Маркетинг бойынша Білім министрлігінің кеңесшісі Юсра Алламның айтуынша, кампанияның мақсаты - оқушылардың арасында жиі орын алатын жәбірлеудің қауіптілігі жөнінде хабардар болу, сондай-ақ, мысырлық мектептердегі бұл құбылыстың түп-тамырына балта шабу болып табылады.
Аталмыш кампания, көбіне әлеуметтік желілер, сондай-ақ, радио және телевидение арқылы жүргізілетін болады.
Мысыр мектептерінде оқушыларды әлеуметтік желілерге жеке басынан өткен оқиғаларды #IAmAgainstBullying хэштегі бойынша жариялауға үндейді және де осы құбылыстан қалай құтылуға болатындығы туралы пікірлерімен бөлісуді сұрайды.
Айта кету керек, ЮНИСЕФ зерттеулеріне сәйкес, 13 пен 17 жас аралығындағы балалар 29-дан 47%-ға дейін өз құрдастары тарапынан тән зорлық-зомбылығын көреді екен.
asyldin.kz