Бугульма қаласында жаңадан салынатын мешіт іргетасының қалануына арналған салтанатты рәсім болып өтті. Салтанатты шараға Бугульма ауданының басшысы, қала әкімі Линар Закиров, мүфтидің бірінші орынбасары  Рүстем хазірет Валиулин, Татарстанның оңтүстік-шығыс қазысы Марат хазірет Марданшин, Бугульманың және Бугульма ауданының имам-мұхтасибі Рамиль хазірет Хуснутдинов, имам-мұхтасибтер, қала, республика мешіттерінің имамдары және қала тұрғындары қатысты. Салтанатты рәсім дәстүрлі түрде Құран сүрелерін оқудан басталды.   

«Аудандағы 15 мешіттің, қала бойыншы 6-шы мешіттің іргетасының қалануы мұсылмандар үшін үлкен оқиға. Бугульма – әртүрлі дін өкілдері тұратын көп ұлтты қала болғандықтан, барлық дәстүрлі дінде өкілдерімен тізе қосып іс жасаймыз және христиан әрі мұсылман өкілдерінің игі бастамаларына қолдау көрсетіп отырамыз», - деп атап өтті құттықтау сөзінде Бугульма қаласының басшысы.

Қазы Марат хазіреттің айтқан тәкбірімен жаңа мешіттің бірінші тасы қаланды. Шара дұға жасаумен аяқталды.

asyldin.kz