Нигерия президенті Мұхаммад Бұхари фулани бақташыларынан үш жүзге жуық христиандарды қорғап қалған 83 жасар имам Әлхаджи Абдулла Әбубаны марапаттады.

Естеріңізге сала кетейік, 24 маусым күні Плато штатына қарасты Нгар ауылында мал өсірумен күнелтетін халық-фулани христиандарға жаппай шабуыл жасаған. Сол күні экстремистер 15 шақты ауылға баса көктеп кірген.

Үрейлері ұшқан христиандар келіп имамнан көмек көрсетуін сұрағанда, ол әйелдер мен балаларды үйіне жасырып, ал еркектерді мешітке жасырған екен.

Ал фуландар имамға келгенде, ол жерге құлай кетіп, Аллаға жалынып, көмек сұрай кетеді. Бұл көріністен бірден естерін жиып алған қылмыскерлер мұсылман дін қызметкерінің үйінен кеткенді жөн көреді. Осылайша, имам үш жүздей адамның жанын аман сақтап қалуға себепші болған.  

asyldin.kz