Ұлыбританияның астанасы Лондонда FIFA World Cup - FIFA 18 компьютерлік ойындар бойынша әлем Чемпионатының гранд-финалы аяқталды.
Жарыста Rogue командасының құрамында ойнаған Сауд Арабия киберспортшысы Моссад Альдосари жеңіске жетті.
Ақтық ойында ол бельгиялық ойыншы Стефано Пиннаны 4:0 есебімен жеңіп кетті. Енді Сауд Арабия тұрғыны «Алтын доп» марапаттау рәсіміне қатысатын болады. Сонымен қатар, ол 250 мың доллар көлемінде сыйақы алды.
Айта кету керек, турнир финалына әлемнің он шақты елдерінен 32 спортшы қатысқан.
asyldin.kz