Африка одағының 2019 жылғы төрағасы болып Мысыр президенті Әбдел Фаттах ас-Сиси тағайындалды. 

Естеріңізге сала кетсек, екі күндік біріктіру саммиті өткен демалыста Эфиопия астанасы  Аддис-Абебеде өтті. 

«Гвинея президенті ас-Сисиді Мысырдың Африка одағының  2019 жылғы төрағалығына сайлануымен құттықтады», - деп РИА Новости Мысыр президенті кеңсесінің хабарламасын келтірген. 

Африка одағының 2018 жылғы төрағасы болып Руанда президенті Поль Кагаме сайланды.

Айта кету керек, Аддис-Абебеде өткен биылғы саммиттің басты тақырыбы — африка континентіндегі сыбайлас жемқорлықпен  және лаңкестікке қарсы күрес, сондай-ақ, келешекте панафрикалық ұйымдар құрылымын реформалау. 

Африка одағы 1963 жылы мамыр айында құрылған, оның құрамына 55 мемлекет кіреді.