АҚШ-та және әлемде мұсылмандар саны өсуде.

Қазіргі таңда АҚШ-та шамамен 3,45 миллион мұсылман өмір сүріп жатыр – бұл дегеніміз, 2010 жылға қарағанда мұсылмандар саны 700 мыңға артқан. Бұл жөнінде Pew Research беделді халықаралық зерттеу орталығы хабарлаған.  

Сарапшылардың мәліметі бойынша, қазіргі уақытта АҚШ халқының  1,1% ислам дінін ұстанушылар құрайды екен.

Сондай-ақ, орталықтың болжауы бойынша, 2050 жылға қарай штаттағы мұсылмандар саны 8,1 миллион адамнан асып түсетін болады. 2040 жылға таман саны жағынан мұсылмандар АҚШ-та тұратын яһудилерді басып озатын болады.  

Естеріңізге сала кетсек, осыған дейін аталмыш орталық сарапшыларының айтқан болжауына сай 2060 жылға таман Жер бетіндегі мұсылмандар саны 3 миллиардқа дейін көбейеді, ал осы ғасырдың соңына таман саны жағынан мұсылмандар христиандардан асып түсетін болады.