Білім адамзат мәдениетінің ең ауқымды ұғымдарының бірі болып табылады. Білімсіз өзіңді және Жаратушы Аллаһты тану әсте мүмкін емес. Аллаһ тағала түсірген Құранның «Алақ» сүресінде: «Сондай жаратқан Раббыңның атымен оқы! Ол, адам баласын ұйыған қаннан жаратқан. Оқы! Ол Раббың аса ардақты. Сондай қаламмен үйреткен. Ол, адамзатқа білмеген нәрселерін үйреткен», - деп осы алғашқы бес аятында адам баласына оқуды, білім алуды жүктеген. Демек, мұсылман әр адамға білім алу – парыз.