Аталмыш концепцияны теңіз құрылыстарымен айналысатын New Living on Water компаниясы дайындады. «Көптеген адамдар қалың көпшілік ортасында, халық шоғырланған аймақтарда тұрады. Сондықтан оңаша, жырақта табиғатпен жақынырақ тұруға деген сұраныс әрқашан да бар» дейді компания қожайындарының бірі әрі басқарушы директор Менно де Роос.

Алдын ала есепке сәйкес, Таяу Шығыста «жүзетін» қала алғашқы жылы 50 миллион доллар табыс әкелмек. Уақыт өте табыс көлемі де арта түседі.

Еске сала кетсек, Рио-де-Жанейро жағалауында да Aequorea деп аталатын су үстіндегі бүтін қаланы салу жоспарланған. Қала құрылымы медуза іспеттес болмақ, ал негізгі материал өңделген пластикалық қалдықтар мен теңіз балдырларынан жасалады. Ғимарат теңіз ортасында 3D-принтер арқылы тұрғызылады.