«Бүгінгі күннің маңызды міндеттерінің бірі – терроризмге қарсы күрес. Ол үшін өз кезегінде қоғамды радикалдандырудың алдын алу керек. Мен имамдарды өз Отанында оқытса іс нәтижелі болатынына сенімдімін. Дегенмен, Германия Қырғызстанға имамдарды оқыту ісінде көмектесуге дайын. Бізде арнайы оқу орны бар» деді Меркель.

Айта кетсек, Германия канцлері Бішкек қаласына Қырғыз президенті Алмазбек Атамбаевтың ресми шақыруы бойынша келген. Тараптар осы уақыт ішінде екі елдің ынтымақтастығын арттыру бағытында бірқатар мәселелерді талқылап үлгерді. А.Меркель өз сапарында Бішкектегі неміс диаспорасымен де кездесті.