Жамбыл облысы Тұрар Рысқұлов аудандық «Сұлтан» орталық мешітінің бас имамы Қуаныш Досымжанұлының ұйымдастыруымен жарапазан жыры айтылды. Меркі ауданы имамдарынан қабыл алған эстафетаны Шу ауданы имамдарына жолдады. Аудандық мешіт имамдары жарапазан жырын көркем әуенмен аспаптардың сүйемелдеуімен аудандық мәдениет үйінің әншілерімен қоса шырқады.

Жарапазан айту барысында халық көп жүретін үлкен дүкендерге кіріп, ауызашарға арнап әдейі су таратып, Қасиетті Рамазан айының басталғанын естіртіп қуантты. Жарапазан жырынан кейін ардагер имам Сұлтаншәріп қажы батасын берді.

 Қуаныш Түзелбеков

Рысқұлов аудандық мешіттің баспасөз қызметі