Жамбыл облысы Байзақ аудандық «Байзақ баба» мешітінің жамағаты «Абай Құнанбайұлы» мешітінің бас имамы, РАНТ мүшесі Нұрболат Аманбайұлымен жүздесті. 

РАНТ мүшесі «Ханафи мәзһабын ұстанудың маңыздылығы» тақырыбында жамағатқа көркем уағыз-насихат айтты. Насихат барысында Нұрболат Аманбайұлы қазақ топырағында ғасырлар бойы жасап келе жатқан Ислам дінінің Ханафи мектебі төзімділігімен, Ислам құндылықтарын түсіндіруде шебер тәжірибесімен ерекшеленетінін атап өтті.

Сондай-ақ, аят, хадистерге амал ету үшін ғалымдарға мұқтаж екенімізді тілге тиек етті. Уағыз соңында асыл дініміздің:  ешкімді өлтірме, жақыныңа көмектес, кешіре біл, еңбек ет, отбасын құр, ұрпақ өсір секілді көркем қағидасымен бейбіт елімізде аман өмір сүруіміз үшін жамағатпен бірге дұға жасады.