Қарабөгет ауылының «Қарабөгет» мешітінің имамы Арсен Құлтаев ауыл әкімшілігінде жергілікті тұрғындармен кездесіп, «Дін мен дәстүр» тақырыбында мазмұнды уағыз-насихат жүргізді.

Жиын барысында имам қазақ халқының ұрпақтан ұрпаққа жалғасқан салт-дәстүрлері мен ислам құндылықтарының өзара үндестігін түсіндіріп, дәстүр мен тәрбиенің қоғамдағы рөлін атап өтті. Қатысушылар рухани тақырыптағы ой-пікірлерімен бөлісіп, өздерін қызықтырған сұрақтарына жауап алды.

Бұл басқосу ауылдағы рухани бірлікті күшейтіп, ұлттық құндылықтарды тереңірек тануына ықпал етті.

Мойынқұм аудандық «Мойынқұм» мешітінің баспасөз қызметі.