Қазақ халқы ежелден қонақжайлығымен танылған. «Дастарқанда дән тұрса, үйде мән тұрады, тірлік баянды болады» деген даналық сөз осы дәстүрдің айғағы. Қазақ аналары дастарқан мәзірін дәнмен сәндеп, келген қонағын ақ ниетпен, кең пейілмен қарсы алады.

Дәстүрге сай дастарқан түрлі ұлттық тағамдармен – бауырсақ, ірімшік, құрт, сары май, қаймақ, қатық, тәттілер мен жеміс-жидекке толы болып, ақсарыбас қой еті мен қою шайымен әрленеді. Мұны халқымыз «дастарқан дәмі» деп атайды.

Осы дәстүрдің үлгісін көрсеткен Жамбыл облысы, Қордай ауданы, Сарыбұлақ ауылының «Сахаба» мешіті әйел-қыздар жамағаты қонақтарға кең пейілмен мол әрі әсем дастарқан жайды. Алла тағала бұл игі амалдарды қабыл етіп, баршаның ниеттерін разылықпен қабыл етсін!

Аудандық «Қордай» мешіті баспасөз қызметі