Ислам діні – жамағат діні. Сондықтан жамағатпен намаз оқуға ерекше мән берілген. Ханафи мәзһабында ер кісілердің бес уақыт парыз намазды жамағатпен оқуы – бекітілген сүннет.

Ал басқа мәзһабтағы кейбір ғалымдар оны парыз деп үкім еткен. Екі кісі болса да, намазды жамағатпен оқу – мұстахаб амал. Себебі жамағатпен намаз оқу арқылы мұсылмандар бір-бірімен танысып, бауырмалдық байланыс күшейеді. Періштелер секілді сап түзеп, бірлікпен оқылған жамағат намазының сауабы жеке оқылған намаздан жиырма жеті есе артық.

Қордай ауданы, Отар ауылындағы «Ұлан» мешіті имамы Оразалиев Қанатбайдың ұйымдастыруымен «Жамағатпен намаз оқудың пайдасы мен сауабы» тақырыбында уағыз-насихат айтылды. Діни сауатты жамағатымыз көп болсын. Дұға тілектері қабыл болсын!

Аудандық «Қордай» мешіті баспасөз қызметі