Тараз қаласы Айдарлы ауылының Кеңсе мешітінде имам Елубаев Бақытбек жамағатқа уақып жайында уағыз айтты.

    Уағыз барысында уақыптың мән – маңызы, оның Ислам тарихындағы орны мен қоғамға тигізер пайдасы кеңінен түсіндірілді. Уақып – қайырлы істерге арналған садақа, мұсылманның артынан сауап болып жалғасатын амалы екені атап өтілді.

    Имам Бақытбек Елубаев: « Адам баласы дүние салған соң үш нәрседен басқа амалдары тоқтайды: садақа,  пайдалы ілім және артынан дұға қылатын ізгі ұрпақ» (Мүслім) хадисін мысалға келтіріп, уақып құрудың үлкен сауап екендігін жеткізді.

    Жамағат өз кезегінде уақыптың артықшылығы мен пайдасы жөнінде тың мәлімет алды.