ҚМДБ-ның Жамбыл облысы бойынша өкілдігі және ҚМДБ «Зекет және қайырымдылық» қорының ұйымдастыруымен «Мектепке жол» атты игі шара өтті. Қалалық «Әулие ата» мешітінде өткен бұл қайырымдылық науқанында 175 оқушыға сөмке мен мектепке қажетті оқу құралдары табысталды.

Балдырғандардың қуанышын еселей түскен шараға Қазақстан мұсылмандары діни басқармасының Жамбыл облысы бойынша бас имамы Асқар Зәкіржанұлы мен «Зекет және қайырымдылық» қорының өңірдегі жауапты маманы Ержан Аманбаев қатысып, бүлдіршіндердің қолына сөмке мен оқу құралдарын табыстады.

Өз кезегінде облыстың бас имамы Асқар Зәкіржанұлы білім алудың артықшылығы мен жастарға берер пайдасы жайында насихат айтып, барлық бүлдіршіндерді жаңа оқу жылымен құттықтады. Әсіресе алғаш рет мектеп табалдырығын аттағалы отырған балаларға батасын беріп, демеу көрсетті.

Бұл бастама – жас буынға білімге деген құштарлық сыйлап, ізгі амалдың шынайы үлгісін паш етті.

Ақерке БЕКҚҰЛОВА

«Һибатулла Тарази» мешітінің баспасөз қызметі