Игілік пен қамқорлық жолында тағы бір үлгілі іс-шара жүзеге асты. Тараз қаласындағы «Тұрғани» мешітінде әлеуметтік қолдауға мұқтаж 45 отбасыға азық-түлік себеттері таратылды.

Бұл қайырымдылық шарасы мешіт ұжымы қолдауымен ұйымдастырылып, тұрмысы төмен, көпбалалы және жалғызбасты аналарға көмек көрсетілді. Себеттерге күнделікті қажетті азық-түлік өнімдері – ұн, май, қант, күріш және макарон сияқты тағамдар салынған.

Мешіт имамының айтуынша, бұл — жамағатты қамқорлыққа, бірлік пен мейірімділікке баулитын маңызды шаралардың бірі.

Көмек алған отбасылар алғыстарын білдіріп, мешіт ұжымына ризашылықтарын жеткізді.

Тараз қалалық «Әулие ата» мешітінің баспасөз қызметі.