Жазғы демалыс кезінде өтіп жатқан «Имани жаз – 2025» діни сауат ашу курсы аясында Шу қаласындағы «Кәрібай молда» мешітінің шәкірттері жұма күні ерекше шараға қатысты. Ұстаз Ғалия Байториеваның жетекшілігімен курс қатысушылары «Family Time» ойын-сауық орталығына саяхат жасап, көңілді демалыс өткізді.

Бұл демалыс күні балалар үшін қызықты әрі танымдық іс-шара ретінде ұйымдастырылды. Шәкірттер бір-бірімен жақынырақ танысып, өзара сыйластық пен достық қарым-қатынасты нығайта түсті.

Ұстаздың айтуынша, мұндай серуендер балалардың рухани тәрбиесін толықтырып қана қоймай, олардың бойына ұжымшылдық пен бауырмалдылық сынды қасиеттерді дарытады.

Шу аудандық «Жәми» мешітінің баспасөз қызметі.