Ислам сөзінің түп-төркіні араб  тілінен аударғанда «амандық», «тыныштық», «бағыну», «мойынсұну» деген мағыналарға саяды. Бір сөзбен айтқанда, Ислам­ дінінің негізгі мұраты - жалғыз Жаратушыны мойындап, тыныштық пен бірлікті сақтай отырып, Алланың құлы екеніңді сезініп, мейірімділікпен өмір сүру. Бей­бітшілік деген мағынаны білдіре­тін «сәләм» сөзі қасиетті Құран Кәрімде бірнеше аяттарда кездеседі. Құран, яғни Ислам бірінші кезекте татулық пен тыныштықты, ынтымақ пен бірлікті насихаттайды.

Мұсылман сипаттарының ең негізгілерінің бірі - бауырмалдық. Екі дүниенің сардары болған­ ардақты   пайғамбарымыз  Мұ­хаммед (с.а.с.) хадис шәрифінде: «Сендердің ешбірің өзіне қалағанын діндес бауырына да қаламайынша толық иман кел­тірген болмайды» деген.

hibatulla.kz