Бірнеше күндер бұрын ағылшын тілді Twitter желісінде One Direction тобының бұрынғы мүшесі Зейн Малик әнші мансабынан бас тартып, өзін тек дін жолына арнапты деген хабар тарап, желіні шулатқан болатын.

"Зейн One Direction тобынан кеткелі осындай бейнеде ме?".

Умарфарук Садик (Umarfaruk Sadik) - Англияның Болтон қаласындағы ислам колледжінің студенті. Ол өзінің суреті Twitter желісінде мыңдаған репосттарға ие болып жатқанын көріп, таң қалды. Жас жігіт колледжде оқумен қатар жергілікті мешітте Құраннан сабақ береді. Бір қызығы әншілердің тобындағы жігітке ол қатты ұқсайды екен. 

Басында желідегі бұл жағдай оны күлдірді, бірақ көпшілік ақпаратты тарқатудан, білгісіз біреу жариялаған суретке сын жазудан тосылмады. Оның айтуынша, суреттің астында "Сақалыңды алып таста, бәлкім сені One Direction тобына қайтарар" деген дөрекіліктер де болыпты. 

Сондықтан әлеуметтік желіге ақпарат саларда материалды тексеріп алған жөн, дейді ол.

hibatulla.kz