Жаңару күніне орай Шу ауданына қарасты Шоқпар ауылында жүрек жылытар игі шара өтті. Данияр Табаевтың ұйымдастыруымен ғасыр жасаған әжеміз ауыл жастарының ортасында ағаш отырғызып, ұрпаққа ізгі тілек-батасын берді.

100 жасқа келген қария әжеміз Жер-Ананы аялап, табиғатты қорғау – адамзаттың ортақ парызы екенін айтып, ағаш отырғызу арқылы көпке үлгі көрсетті. Шара барысында ауыл тұрғындары арнайы дастархан жайып, әжеге құрмет ретінде кілем тарту етіп, ақжарма тілектерін арнады.

Бұл — тек мерекелік шара ғана емес, үлкеннің ақыл-өсиеті мен жастардың құрметі тоғысқан тәрбиелік мәні зор басқосу болды. Әженің даналық сөздері мен батасы қатысушылардың жүрегіне жылы әсер қалдырды.

Шу аудандық «Жәми» мешітінің баспасөз қызметі.