Қасиетті Рамазан айында игі істер жалғасын табуда. «Рамазанда бір тал ек» жобасы аясында «Жасыл қала – тал егу» акциясы өтіп, Тараз қаласының 15-мөлтек ауданында 750 түп ағаш отырғызылды.

Экологиялық бастамаға ҚМДБ-ның Жамбыл облысы бойынша бас имамы Асқар Зәкіржанұлы, Тараз қаласының бас имамы Ержан Аманбаев, имамдар мен медресе шәкірттері қатысты. Ағаш отырғызу – сауапты әрі ұзақ мерзімді қайырлы іс.

Бұл бастама табиғатты көркейтіп қана қоймай, кейінгі ұрпаққа экологиялық таза әрі жасыл қала қалдыруға өз үлесін қосады.

«Һибатулла Тарази» мешітінің баспасөз қызметі