«Әбу-Бәкір» мешітінде адамзаттың асыл тәжі Мұхаммед пайғамбар (с.ғ.с.) өмірбаянынан жарыс өткізілді. Сайыс барысында қатысушылар Алла елшісі (с.ғ.с.) өмірбаяны бойынша сұрақтарға жауап беріп, бақ сынасты. 

Бұл сайыс «Әбу-Бәкір» мешітінің жамағаты арасында үлкен қызығушылық тудырды. Жарысқа әртүрлі жас ерекшеліктеріндегі жамағат мүшелері қатысты. Шараның мақсаты – Мұхаммед пайғамбардың (с.ғ.с.) өмірі мен өсиеттері туралы білімді тереңдету және жастар арасында Ислам құндылықтарын насихаттау болды.

«Бұл жарыс Алла елшісінің (с.ғ.с.) өнегелі өмірінен сабақ алуымызға, оның қасиетті өсиеттерін күнделікті өмірімізде қолдануымызға септігін тигізеді. Барлық қатысушыларға алғысымды білдіремін және осындай шаралар жиі ұйымдастырылады деп сенемін», – деген мешіт имамы жеңімпаздарға арнайы сый-сияпат 1-орын «префератор мен балгарка» құралы, 2-орын «электронды ара» мен 3-орын «электронды бұрағыш» табысталды.