Жамбыл облысы, Меркі ауданының аудан бас имамы Азамат Берікұлы «Колхоз Жамбыл» футбол командасын мешіт ұжымы атынан алғыс хатпен марапаттады.

«Ауданымызда әр жыл сайын өтетін футбол турнирынан екінші орын алып, кір жуғыш машинасын ұтып алған «Колхоз Жамбыл» командасы өздерінің жүлделерін көпшіліктің қажетіне жарасын деп орталық мешітке сыйлаған еді. Бұл ұжымның жасаған амалы көпшілікке үлгі боларлық іс болды», – деген бас имам команда өкіліне ризашылығын білдіріп, алғыс хат табыстады.