Бас имам сондай-ақ, медресе түлектерінің қоғамдағы рөлі мен міндеттері жайлы сөз қозғап, қазіргі кезде жастардың білім алу, рухани өсу мен ұлттық тәрбие алу жолында қажырлы еңбек етуі қажеттігін айтты. Ол жастардың болашақта тек діни іліммен ғана емес, қоғамда өз орнын табатын, үлгілі азамат болуға да назар аударуы тиіс екенін жеткізді.

Студенттер өз тараптарынан имамға сұрақтар қойып, діни білім мен тәрбие мәселелері бойынша пікір алмасып, өзара сұхбаттасты. Кездесу соңында Рысбай Асылбекұлы жастарға Алланың ризашылығын көздеп, адал еңбек ету мен білім алу жолында табандылық танытуға тілек білдірді.