Сарысу ауданы, Жайлаукөл ауылында дін мен дәстүр бағыты бойынша ұлттық ойындар сайысы өткізілді. Атап айтқанда, қой көтеру, арқан тарту, қол күрес сайыстарында қатысушылар өз бақтарын сынады.

«Біздің қоғамымыздағы ұлттық ойындардың негізі, шығу тегі халқымыздың көшпелі дәстүрлі шаруашылық қарекеттерінен бастау алады. Бұлардың көбісі мал шаруашылығына, аңшылыққа, жаугершілікке негізділген. Өзге халықтар сияқты қазақтың да ертеден қалыптасқан, атадан балаға мұра болып жалғасып келе жатқан ұлттық ойын-сауық түрлері бар. Бүгінгі шараның мақсаты аудан халқына ұлттық ойындар мен құндылықты насихаттау», – дейді аудан имамы.