Жамбыл облысы Байзақ ауданы Көкөзек ауылы «Жантай ата» мешітінің имамы Бекжан Майданбекұлы Ақжар ауылдық «Әбдікерімұлы Айдар» мешітінің жамағатымен кездесіп, жұма насихатында «Ислам және отбасы» тақырыбында уағыз айтты.

Бекжан Майданбекұлы: «Дінімізде ерлі-зайыпты адамдардың атқаруы қажет болған міндеттері мен әдептері көп. Солардың ішінде шаңырақтың шаттыққа, отбасының бақытқа бөленуіне себепші болатын мынадай бес құндылыққа мән бергеніміз жөн:

Бірінші, өзара жақсы мәміледе болу

Ерлі-зайыптылардың өзара жақсы мәміледе болып, мейірімділіктің аясында қарым-қатынас жасаулары отбасы бақытының негізгі кілті саналады. Алла Тағала Қасиетті Құранның «Рум» сүресі, 21-аятында «Сендерге жандарың жай тапсын деп, өз болмыстарыңнан жұбайлар жаратып, араларыңа сүйіспеншілік пен мейірім сезімін ұялатқаны Оның (Алланың) нақ белгілерінен. Міне, осының өзінде ақылға салып ойланатын қауым үшін айқын дәлелдер бар», – деп айтқан, - деді.