Жамбыл облысы Байзақ ауданына қарасты ауыл имам-молдалары ауырып жатқан Сарыбарақ ауылының имамы Тастанов Жомарт Шәкенұлының хал-жағдайын сұрау мақсатында және Пайғамбарымыздың (оған Алланың салауаты мен сәлемі болсын) хадисіне амал ету мақсатында облыстық ауруханаға барып, имамның жағдайын біліп, ем-домы үшін ауыл имамдарынан жиылған 60 000 теңге көлемінде қаражатты қолына ұстатты.

Пайғамбарымыз (оған Алланың салауаты мен сәлемі болсын) хадисінде: «Мұсылманның бауыры алдында алты міндеті бар. Олар: оның берген сәлеміне жауап беру; шақырған жеріне бару; егер бауыры кеңеске мұқтаж болса, онда оған  шынайы кеңес беру; егер бауыры түшкіріп, «әл-хамду лиллә» (Аллаға шүкір) десе, оған «ярхамука Алла» (Алла сені жарылқасын) деп жауап беру; егер ол ауырып қалса, оны зиярат ету; бауыры қайтыс болса, оның жаназа намазына қатысу», - деген.