Жамбыл облысының бас имамы Бейбіт Әліпбекұлы мен РАНТ мүшесі, Теміртау қаласының бас имамы Жанболат Жұматұрұлы облыстағы діни оңалту саласына жауапты мамандардың кәсіптік білімі мен дағдыларын арттыру  мақсатында «Жат ағымның қателіктерін анықтау» семинарын өткізді.

Біліктілікті арттыру семинарына діни оңалту саласына жауапты облыстың әр ауданынан жиналған мамандар, мешіт имамдары  қатысты.

Семинар барысында  Бейбіт Әліпбекұлы мен Жанболат Жұматұрұлы деструктивті ағымдардың құрбандарын оңалту бағытындағы жұмыстардың теологиялық негіздерін түсіндіріп,   теріс ағым идеяларының таралуына қарсы іс-қимылда  өңірлік мамандардың біліктілігін арттырудың маңызын түсіндірді.