Жамбыл облысы Байзақ ауданы «Әл-Фараби» мәдениет үйінде Жамбыл облысының бас имамы Бейбіт Әліпбекұлы «Кеңес» ауылдық мешітінің имамы Әли Олжабайұлына ұмра қажылығына сертификат табыстады.

Дүйім жұрттың алдында Бейбіт Әліпбекұлы: «Ислам дініне қызмет етіп, шалғай елді мекеннің рухани дамуына үлес қосып, жастарға насихатын айтып, туралықты жеткізу екінің бірінің қолынан келе бермейтін іс. Біз Құдайға шүкір деуіміз керек. Себебі оқыған, медресе бітірген жас мамандардың ауылға келіп қызмет етуі бізді қуантады», - деп имамның жеткен жетістіктерін айтып өтті.