Талас ауданы, Қаратау қаласы, "Әбдібай ата" мешітінің имамы Асқарбек Серікұлының бастамасымен орталық саябақта футбол ойыны ұйымдастырылды. Қаламыздың жастары 4 командаға бөлініп футбол ойнады. Екі ойында жеңген "Қыран" тобы мен "Тұлпар" командалары финалда кездесіп, "Қыран" тобы 3-1 есебімен жеңіске жетті.

Бірінші ойында жеңіліске ұшыраған "Игілік" пен "Талас" тобы үшінші орын үшін таласты. Есеп 4-2 болып аяқталып, "Игілік" тобы 3-орынды иеленді. Аталмыш шара соңында Асқарбек Серікұлы жүлделі орынды алған командаларды құттықтады. Бүгін жеңіске жетпеген командаларды мойымауға үндеп, сәттілік тіледі.

"Әбдібай ата" мешітінің баспасөз қызметі