Тұрар Рысқұлов ауданы Ақыртөбе ауылдық мешітінің имамы Батыр Нұрпейсовтің ұйымдастыруымен «Тайқазан» қайырымдылық жобасы іске асырылды. Жоба аясында 850 мың қаражатпен 47 мұқтаж отбасы азық-түлікпен қамтамасыз етілді.

Адамның жақсысы өзгелерге көбірек пайда тигізгені. Ардақты Пайғамбарымыз (оған Алланың салауаты мен сәлемі болсын) хадисінде: «Адамдардың жақсысы (өзге) адамдар үшін көбірек пайда тигізгендері», – деген (имам Табарани). Халқымыз: «Өзін ғана ойлаған – жамандықтың белгісі, өзгені де ойлаған – адамдықтың белгісі», – деп, өзгелерді ойлап, оларға пайдалы іс жасаудың маңызын айтқан. Осы ізгі іске, қайырымдылыққа үлес қосқан барша ауыл тұрғындарына Батыр имам өз ризалығын білдіріп, Алланың разылығын тіледі.

Қуаныш Тузелбеков 

Рысқұлов аудандық мешіттің баспасөз қызметі