Жамбыл облысы Байзақ ауданының бас имамы Қанат Әділханұлы мешіттердің жұмысын жандандыру мақсатында Талас ауылдық «ән-Нағим» мешітінің жамағатымен кездесіп насихат айтты.

Қанат Әділханұлы насихатында: Алла Тағала «Хужурат» сүресінде: «Бір-бірлеріңді ғайбаттамаңдар. Араларыңдағы біреу бауырының өлі етін жегенді ұната ма? Әне, бұдан жиіркендіңдер. Олай болса, Алладан қорқыңдар...», - деу арқылы оның қаншалықты жиіркенішті күнә екенін білдірді. Адамзат баласы өлген малдың етін жеуден қатты жиіркенеді. Ал Алла тағала бұл жерде «өліп қалған бауырының етін» жеу дегенді келтіріп отыр. Иә, адам кейде өз бауырының етін жеп жүргенін де білмей қалуы мүмкін», - деп «Ғайбат айтудың зияны» тақырыбын кеңінен айшықтап түсіндірді.