Жамбыл ауданы Қаламаңы ауылы «Хаджи Тамаль Мадина» мешітінің имамы Абилов Ансардың ұйымдастыруымен «қайырымды жұма» науқаны өткізілді. Аталмыш жоба аясында ауылдық алты отбасына азық-түлік себеттері таратылды.

Іс-шараға кеткен қаражат отыз бес мың теңгені құраған. Көмек алған отбасылар өз ризашылықтарын  білдірді. Осы орайда жұма күнінің қадір-қасиетін ұлықтау мақсатында Діни басқарма тарапынан қолға алынған «Қайырымды жұма» акциясы қазіргі таңда еліміздің түкпір-түкпірінде жалғасын тауып жатқанын айта кету керек.

Жамбыл аудандық мешітінің баспасөз қызметі