Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Алматы облыстық Қазақстан халқы Ассамблеясы ақсақалдар кеңесінің және Қонаев қалалық ардагерлер кеңесінің төрағасы және осы шаһардың Құрметті азаматы Амангелді Беспаевпен кездесті.

Жүздесу барысында ҚМДБ жанынан құрылған Ақсақалдар кеңесінің атқарған жұмыстары сөз болды. Амангелді ақсақал Бас мүфтиге 2022 жылы Қонаев қаласында өткен республикалық Ақсақалдар форумында айтылған бастамалардың облыс көлемінде ойдағыдай іске асып жатқанын баяндады.

Сондай-ақ «Ислам және ізгі қоғам» жылына жоспарланған ауқымды іс-шаралар мен Ақсақалдар кеңесінің жұмысын жетілдіру жөнінде әңгіме өрбіді.