Тараз шаһарының мешіттері қасиетті Рамазан айына мешіттерін әсемдеп дайындалуда. Рамазанға қатысты баннерлер ілініп, мешіттердің сыртын әктеп, кішігірім құрылыс жұмыстары жүруде. Қаланың бас имамы Ержан Аманбаев алдымен дәретхана және мешіт тазалығына қатты мән беруді тапсырды.

Ұлтымыздың ұстазы Ыбырай Алтынсарин: «Сабаз болсаң жердей бол, жер бәрін шыдап көтереді, таза болсаң судай бол, су бәрін жуып кетіреді»,- деп тазалықтың маңыздылығын жырына қосқан. Тазалық асыл дініміз Исламдағы басты шарттардың бірі ретінде қарастырылған. Алла елшісі ﷺ: «Дін – бұл тазалық», - деп өз үмметіне айтып кеткен.

 "Әулие ата" мешітінің баспасөз қызметі