Ресейде алғаш рет мемлекеттік халал стандарттары бекітілді. Тиісті ГОСТ-тарды «Роскачество» кіретін №704 стандарттау жөніндегі жобалық техникалық комитет әзірледі, деп хабарлайды «Известия» ұйымға сілтеме жасап.

Әңгіме «Халал азық-түлік өнімдерін өндіру процестері. Халал азық-түлік өнімдеріне қойылатын жалпы талаптар» және «Халал өнімдер мен қызметтер. Жалпы терминдер мен анықтамалар». Бұл құжаттар сәйкесінше 2023 жылдың 1 наурызында және 1 маусымында күшіне енеді. 

Сапаны бақылау федералдық қызметі жанындағы Халал өнімдері мен қызметтері ұлттық құзіреттілік орталығының басшысы Марат Низамовтың айтуынша, мемлекеттік халал стандартын әзірлеу мен енгізуге халал өнімдерін өндіру мен экспорттау көлемінің айтарлықтай артуы себеп болған.

«Алғашқы халал стандарттарын бекіту Ресейде ұлттық халал стандарттау жүйесінің құрылып жатқанын көрсетеді», - деді ол. Низамов жаңа ГОСТ-тарды енгізудің мақсаты халал өнімдер мен қызметтердің сапасын арттыру, ресейлік халал өнімдеріне адал бәсекелестікті дамыту және саудадағы техникалық кедергілерді жою екенін баса айтты. IslamNews бұған дейін жазғандай, 2022 жылы Ресейден халал өнімдерінің экспорты 50 пайызға дерлік өсті, ішкі нарықта халал ет өнімдеріне сұраныс 25 пайызға жетеді.

asyldin.kz